बुटवल । लुम्बिनी प्रदेशका मुख्यमन्त्री लिला गिरीले बैशाख ११ गते विश्वासको मत लिने भएका छन् । यसका लागि ११ गते विहान ११ बजे प्रदेश सभा बैठक बोलाईएको प्रदेश सभा सचिव दुर्लभकुमार पुनले जानकारी दिए ।
केन्द्रमा सत्ता समीकरण फेरिएसँगै चैत १२ गते माओवादी केन्द्रलगायतका दलले सरकारलाई दिएको समर्थन फिर्ता लिएपछि गिरीले दोश्रोपटक विश्वासको मत लिन लागेका हुन् ।
८७ सांसद रहेको प्रदेश सभामा बहुमतका लागि ४४ मत चाहिन्छ । अहिले एमालेका २९ र राप्रपाका ४ सांसदको मात्रै सरकारलाई समर्थन छ ।
