बर्दिया । बर्दिया राष्ट्रिय निकुञ्जबाट निस्केको एउटा पोथी गैंडा मृत फेला परेको छ ।
निकुञ्जसँग जोडिएको गेरुवा गाउँपालिकास्थित बाजपुर सामुदायिक वनमा बिहीबार बेलुकी गैंडा मृत फेला परेको थियो ।निकुञ्जका सहायक संरक्षण अधिकृत बद्रीविनोद दाहालले शुक्रबार विहान उक्त कुराको जानकारी गराएका हुन ।
निकुञ्जसँग जोडिएको कर्णालीको भंगालो गेरुवा नदी पारी रहेको उक्त सामुदायिक वनमा करिब १९र२० वर्षको पोथी गैंडा मृत फेला परेको उनले जानकारी दिए ।
मृत्यु भएको पोथी गैंडासँग केटा(बच्चा) समेत रहेको छ । दुर्गम ठाउँ भएकोले राति चिकित्सक टोली त्यहाँ पुग्न सकेका थिएनन् ।
बर्दिया निकुञ्जबाट चिकित्सकसहित सुरक्षा टोली घटनास्थलतर्फ बिहान प्रस्थान गरेको छ । मृत गैंडाको पोष्टमार्टम त्यहीँ गरिने निकुञ्ज प्रशासनले जनाएको छ । घटनाबारे थप विस्तृत विवरण आउन बाँकी छ ।
