काठमाडौं । लागु पदार्थ सेवन (लापसे) गरी सवारीसाधन चलाएको आरोपमा प्रहरीले तीन जनालाई नियन्त्रणमा लिएको छ।
ट्राफिक प्रहरीले भक्तपुरको जगातीमा शुक्रबार गरेको ९ सवारी चेकिङमा तीन जना सवारी चालकलाई नियन्त्रणमा लिएको काठमाडौं उपत्यका ट्राफिक प्रहरी कार्यालयका प्रवक्ता प्रहरी वरिष्ठ उपरीक्षक राजेन्द्रप्रसाद भट्टले जानकारी दिए ।
उनका अनुसार बा २ ख ८२०५ नम्बरको मिनी ट्रक चालक रोल्पा जुराका २७ वर्षीय दिपक विक, ना ६ ख ५१९६ नम्बरका ट्रक चालक मकवानपुर भिमफेदी गाउँपालिका–२ भैंसेका २८ वर्षीय राजन विकलाई प्रहरीले नियन्त्रणमा लिएको हो ।
यस्तै ट्राफिक प्रहरीले बा ५ ख ५२७७ नम्बरका हाइस चालक धादिङ गल्छी गाउँपालिका–५ का ३४ वर्षीय रमेश कमरलाई समेत नियन्त्रणमा लिएको छ ।
आफू सवार सवारीसाधनका चालकले लागुपदार्थ तथा मादक पदार्थ सेवन गरेको शंका लागेमा यात्रुले तत्काल नजिकैको प्रहरी कार्यालय, ट्राफिक कन्ट्रोल रूमको हटलाइन नम्बर १०३ र प्रहरीको हटलाइन नम्बर १०० मा खबर गर्न सक्नेछन् ।
