बर्दिया । बर्दियामा मोटरसाइकलको ठक्करबाट एक जनाको मृत्यु भएको छ ।
शक्तिपुरबाट गणेशपुरतर्फ जाँदै गरेको भे ७ प ८६०४ नम्बरको मोटरसाइकलले ठक्कर दिँदा जिल्लाको गुलरिया नगरपालिका–११ का ६० वर्षीय इस्माइल खाँको मृत्यु भएको जिल्ला प्रहरी कार्यालयका प्रहरी उपरिक्षक सुधीरराज शाहीले जानकारी दिए ।
उनका अनुसार गएराती सडक पार गर्ने क्रममा मोटरसाइकलको ठक्करबाट गम्भिर घाईते भएका खाँको नेपालगञ्जस्थित शिक्षण अस्पतालमा उपचारको क्रममा मृत्यु भएको हो ।
मोटरसाइकल चालक बढैयाताल गाउँपालिका–९ का सुकदेव थारुलाई प्रहरीले नियन्त्रणमा लिएको छ ।
