नेपालगञ्ज । गए राति १२ः३० बजेको समयमा नेपालगञ्जमा स्कारपियोले ठक्कर दिँदा मृत्यु भएका मृतकको पहिचान खुलेको छ ।
ठक्करबाट ज्यान गुमाउनेमा नेपालगञ्ज उपमहानगरपालिका– १३ की २४ वर्षीया आस्था शाह र राजापुर नगरपालिका– १० बर्दियाका २३ वर्षीय मायाराम चौधरी रहेको जिल्ला ट्राफिक प्रहरी कार्यालयका प्रमुख प्रहरी निरीक्षक गोपीकृष्ण सुबेदीले जानकारी दिए ।
कोहलपुरबाट नेपालगञ्ज तर्फ आउँदै गरेको सुपप्र ०१–००१– च ३४६४ नम्बरको स्कारपियोले ठक्कर दिँदा दुईजनाको मृत्यु भएको थियो ।
दुर्घटनामा नेपालगञ्ज – १३ की सहाना शाह घाइते भएकी छिन । तिब्र गतिमा रहेको गाडीले सडक छेउमा उभिएकालाई ठक्कर दिँदै पर्खालमा ठोकिएको उनले जानकारी दिए ।
