तौलिहवा । कपिलबस्तुमा ट्याक्टर र मोटरसाइकल ठोक्किँदा एक युवकको मृत्यु भएको छ ।
बुधबार साँझ कपिलवस्तु नगरपालिका–१० पचेहरा नजिकै ट्याक्टर र मोटरसाइकल ठोक्किँदा कपिलवस्तु नगरपालिका–३ गौढी टोलका २३ बर्षिय परदेशी गुप्ताको मृत्यु भएको हो ।
तौलिहवाबाट जीतपुर तर्फ जाँदै गरेको लु २ त ११६४ र ओदारीबाट तौलिहवा तर्फ जाँदै गरेको लु ५ प ६७४९ नम्बरको मोटरसाइकल एक आपसमा ठोक्किदाँ उक्त दुर्घटना भएको थियो । दुर्घटनामा परि गुप्ताको टाउकोमा गम्भीर चोट लागेका कारण घटना स्थलमै मृत्यु भएको प्रहरीले जनाएको छ ।
ट्याक्टर छाडेर चालक भने फरार भएका छन् । चालकको खाजी भइरहेको प्रहरीले जनाएको छ । मृतकको शव कपिलवस्तु अस्पतालमा राखिएको छ।
