बर्दिया । दुई किशोरीलाई ललाई फकाई भारत लैजाँदै गर्दा आइतबार गुलरिया–११ गणेशपुर नाकाबाट तीन जना पक्राउ परेका छन् । साना हातहरु नेपालको सक्रियतामा प्रहरीले दुई किशोरीलाई उद्दार गरेको हो ।
किशोरीलाई भारत लैजान लागेका तीन जना पक्राउ परेका छन् । नेपाल भारत सीमाको गणेशपुरबाट भारतको लौकाहीतर्फ शंकास्पद रुपमा मोटरसाइकलमा जाँदै गर्दा उनीहरुलाई पक्राउ प्रहरीले पक्राउ गरेको हो ।
बाँकेको जानकी गाउँपालिकाकी १५ वर्षिया र बर्दिया बढैयाताल गाउँपालिकाकी १६ वर्षिया किशोरीलाई भारत लैजान लागेको अवस्थामा उद्दार गरिएको बर्दिया प्रहरीका प्रवक्ता डिएसपी तिलकराम अर्यालले जानकारी दिए ।
उनका अनुसार बाँके कोहलपुर–७ का २६ वर्षीय लालबहादुर पुन, बैजनाथ गाउँपालिकाका प्रेमबहादुर विक र जानकी गाउँपालिका–६ का अंकित कुमार लोनियालाई प्रहरीले नियन्त्रणमा लिएको छ । प्रहरीले उनीहरु विरुद्ध मानव बेचबिखनको मुद्दा दर्ता गरी अनुसन्धान सुरु गरेको छ ।–कान्तिपूरबाट
