बुटवल । बाँकेमा माइक्रोबसले मोटरसाइकललाई ठक्कर दिँदा प्रहरी जवानको मृत्यु भएको छ ।
जिल्लाको नेपालगञ्ज उपमहानगरपालिका–१८ मा माइक्रोबसले मोटरसाइकललाई ठक्कर दिँदा मोटरसाइकलमा सवार बर्दिया मधुवन नगरपालिका–८ घर भई जिल्ला प्रहरी कार्यालय बाँकेमा कार्यरत प्रहरी जवान विकास डाँगीको मृत्यु भएको हो ।
आइतबार दिउँसो भे.१ ख १६९७ नम्बरको माइक्रोबसले लु.१ ब २९३६ नम्बरको मोटरसाइकललाई ठक्कर दिँदा डाँगी गम्भीर घाइते भएका थिए । उनको नर्सिङ होम नेपालगन्जमा उपचारको क्रममा मृत्यु भएको हो । माईक्रोबस चालकलाई प्रहरीले नियन्त्रणमा लिएको छ ।
