परासी । पश्चिम नवलपरासी प्रहरीले सर्वस्वसहित जन्मकैद फैसला भएका एक जना फरार प्रतिवादीलाई १४ वर्षपछि पक्राउ गरेको छ ।
२०६६ साल असोजमा गुठीप्रसौनीका अरबिन्द राजभरको हत्या गरेर फरार रहेका पश्चिम नवलपरासीको प्रतापपुरका ५६ वर्षीय नौमीप्रसाद राजभर पक्राउ परेका हुन् ।
जिल्ला प्रहरी कार्यालय पश्चिम नवलपरासीका डीएसपी रेशम बोहोराका अनुसार व्यक्ति हत्या गरेर नाम परिवर्तन गरी भारतमा बस्दै आएका राजभरलाई नेपाल भारत सिमावर्ती पाल्हीनन्दन गाउँपालिका १ महेसपुरबाट पक्राउ गरेको हो ।
राजभरलाई जिल्ला अदालत परासीमा पेस गरिएको प्रहरीले जनाएको छ । आफन्तीको जग्गा किनाइदिने बहानामा ४ लाख रुपैयाँ लुटपाट गरेर हत्या गरेको कसुरमा जिल्ला अदालत परासीले जन्मकैद फैसला गरेको थियो ।
