बुटवल । लुम्बिनी प्रदेश सरकारका कृषि तथा भुमि व्यवस्था मन्त्री भण्डारीलाल अहिरले मन्त्री पदबाट राजीनामा दिएका छन् ।
अहिर जनता समाज पार्टीका तर्फबाट मन्त्री भएका थिए । पार्टीले मुख्यमन्त्री डिल्ली चौधरीलाई विश्वासको मत नदिने भएपछि मन्त्री अहिरले राजीनामा दिएका हुन् ।
जसपाको संसदीय दलका नेतासमेत रहेका उनी यसअघि एमाले नेता लिला गिरी नेतृत्वको सरकारमा पनि कृषि मन्त्री बनेका थिए । उनी बाँके–२ को प्रदेशसभा १ मा निर्वाचित भएका हुन् ।
लुम्बिनीमा आज मुख्यमन्त्रीले विश्वासको मत लिने प्रयोजनका लागि प्रदेश सभा बैठक बोलाइएको छ ।
