नवलपरासी । पश्चिम नवलपरासीको सुस्तामा ट्याक्टर दुर्घटना हुँदा एक युवकको मृत्यु भएको छ ।
सुस्ता गाउँपालिका–३ बिगैपस्थित भित्री सडकखण्डमा कुडीयाबाट रतनगञ्जतर्फ जाँदै गरेको लु ३ त २८४ नम्बरको ट्याक्टर अनियन्त्रित भई सडक छेउमा पल्टिदाँ सुस्ता–५ तरैनीका १३ वर्षीय गोलु भनेर चिनिने रोहित कंकरको मृत्यु भएको जिल्ला प्रहरी कार्यालयका सुचना अधिकारी एवम् डीएसपी रेशम बोहोराले जानकारी दिए ।
उनका अनुसार दुर्घटनामा टाउकोमा गम्भिर चोट लागेका उनलाई उपचारका लागि पृथ्वीचन्द्र अस्पताल पुर्याइएकोमा चिकित्सकले मृत घोषणा गरेका थिए ।
दुर्घटनामा चालक सुस्ता–४ नर्सहीका २१ वर्षीय सुकइ मल्लाह घाइते भएका छन् । मल्लाहलाई जिल्ला अस्पतालले थप उपचारका लागि भैरहवा मेडिकल कलेज रिफर गरेको छ ।
