बुटवल । नेकपा (एमाले) र नेपाली कांग्रेसबीच मिलेर सरकार बनाउने सहमति भएको छ ।
सोमबार मध्यरातमा भएको सहमति अनुसार सुरुमा दुई बर्ष केपी ओली प्रधानमन्त्री र शेरबहादुर देउवा बाँकी अवधि चुनावसम्म प्रधानमन्त्री बन्नेछन् ।
केन्द्रमा सत्ता समीकरण फेरिदाँ प्रदेश सरकारहरुका सरकार पनि परिवर्तन हुनेछन् । दुई दलले सत्ता सहकार्यका गरेको लिखित सहमतिमै प्रदेशहरुको भागबण्डा पनि टुग्याइएका छन् ।
एमालेले कोसी, लुम्बिनी र कर्णाली पाउने छ भने काँग्रेसले बाग्मती, गण्डकी र सुदूरपश्चिम प्रदेशमा सरकारको नेतृत्व गर्ने छ । मधेस प्रदेशमा मधेसकेन्द्रीत दललाई नेतृत्व दिने सहमति छ ।
