बुटवल । पाल्पाको माथागढी गाउँपालिका–५ स्थित झुम्सा खोलामा एक महिला मृत फेला परेकी छन् ।
सोही वडाको गणबास भन्ने स्थानमा बस्ने २८ वर्षीया खुमिसरा बाह्रघरे मृत फेला परेको जिल्ला प्रहरी कार्यालय पाल्पाका सूचना अधिकारी डिएसपी सुगन्ध श्रेष्ठले जानकारी दिए ।
उनी सोमबार बेलुकी साढे ७ बजे मृत फेला परेको र शव पोष्टमार्टमका लागि जिल्ला अस्पतालमा पठाइएको डिएसपी श्रेष्ठले बताए । उनका अनुसार घटनाबारे अनुसन्धान जारी छ ।
