दाङ । दाङको घोराहीस्थित महेन्द्र बहुमुखी क्याम्पस अगाडी बम विस्फोट भएको छ ।
क्याम्पस अगाडी सुतली बम पड्काएर भाग्दै गरेका दुई जनालाई प्रहरीले पक्राउ गरेको जिल्ला प्रहरी कार्यालय दाङका प्रहरी नायब उपरीक्षक रामप्रसाद तिमिल्सिनाले जानकारी दिए ।
उनका अनुसार आज घोराही उपमहानगरपालिका–१५ का प्लस टु सकेका अभियान थापा र सोही महेन्द्र बहुमुखी क्याम्पसमा पढ्ने सुदन कार्कीलाई पक्राउ गरिएको हो ।
उनीहरु आज विहान करिब १० बजेतिर मोटरसाईकलमा आएर क्याम्पस अगाडी बम फालेका थिए ।
प्रहरी पड्केको स्थानबाट सुतली बमका टुक्राहरु फेला पारेको प्रनाउ तिमिल्सिनाले बताए । प्रहरीलाई उनीहरुले रमाईलोका लागि बम पड्काएको बयान दिएका छन् ।
