बाँके । राप्ती नदीमा आएको बाढीका कारण जङ्गलको बीचमा फसेका छ जनालाई स्थानीय प्रशासनले उद्धार गरेको छ ।
जङ्गलमा बाख्रा चराउन गएका उनीहरुको शनिबार साँझ उद्धार गरिएको इलाका प्रहरी कार्यालय, कोहलपुरका प्रहरी नायब उपरीक्षक सुन्दर तिवारीले जानकारी दिए ।
नेपाली सेना, सशस्त्र प्रहरी र नेपाल प्रहरीको संयुक्त प्रयासमा उनीहरूको उद्धार भएको थियो । उनीहरू सबै जना बाँकेको राप्तीसोनारी गाउँपालिका वडा नं २ का हुन् ।
