पाल्पा । पाल्पामा मोटरसाइकल दुर्घटना हुँदा एक जनाको मृत्यु भएको छ भने एक जना घाईते भएको छन् ।
तानसेन–तम्घास सडक खण्डको अर्गलीस्थित पुरानो गाउँमा जोर्तेदेखि अर्गलीतर्फ जाँदै गरेको लु४२प ६७०९ नम्बरको मोटरसाइकल आइतबार राति भित्तामा ठोक्किएर दुर्घटना दुर्घटना भएको थियो ।
दुर्घटनामा सल्यानको कालीमाटी गाउँपालिका–२ का अन्दाजी ३० वर्षीय नरेश घर्ती मगरको मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए ।
दुर्घटनापछि तानसेनस्थित युनाइटेड मिसन अस्पतालमा चिकित्सकले उनलाई मृत घोषणा गरेका थिए । मोटरसाइकलको पछाडि बसेका नवलपरासी सरावल गाउँपालिका–१ का २८ वर्षीय प्रकाश थारुको मिसन अस्पतालमा उपचार भइरहेको छ ।
