बुटवल । लुम्बिनी प्रदेशबाट नेपाल क्रिकेट संघ(क्यान) को सदस्यमा प्रदिप मजगैया निर्विरोध चयन भएका छन् ।
क्यानको अध्यक्षमा चतुरबहादुर चन्द, उपाध्यक्षमा रोशनकुमार सिंह र कोषाध्यक्षमा पदमबहादुर खड्का निर्विरोध निर्वाचित भइसकेका छन् ।
यस्तै संघको सचिवमा प्रशान्तबिक्रम मल्ललाई पराजित गर्दै पूर्वखेलाडी पारस खड्का निर्वाचित भएका छन् ।
सदस्यहरुमा महिला सदस्यमा जयन्तीदेवी भट्ट र कर्णालीबाट प्रतिनिधित्व गर्ने सदस्यमा श्रीधर केसी निर्विरोध चयन भएका छन् ।
अरु पाँच प्रदेशबाट प्रतिनिधित्व गर्ने एक एक जना सदस्य र खुला ५ जना सदस्यका लागि पनि चुनाव भएको छ ।
