बुटवल । बर्दियामा विद्युतीय धरापमा परेर एक जनाको ज्यान गएको छ ।
जिल्लाको बाँसगढी नगरपालिका–२ रामनगरका ४१ वर्षीय रामभागीरथ थारूको खेतमा जङ्गली जनावरको लागि थापेको विद्युतीय धरापमा परी करेन्ट लाग्दा मृत्यु भएको प्रहरी प्रधान कार्यालयले जनाएको छ ।
प्रहरीले घटनाका विषयमा सोधपुछका लागि सोही ठाउँका एक जनालाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।
