रूपन्देही । रुपन्देहीको गैडहवा गाउँपालिका–१ मा स्कुल बसको ठक्करबाट आइतबार बालिकाको मृत्यु भएको छ ।
इलाका प्रहरी कार्यालय सुर्यपुराका अनुसार कञ्चन–३ हरैयामा रहेको मोर्डन भिजन एकेडेमी स्कूलको लु १ क २२३६ नम्बरको बसले बालिकालाई ठक्कर दिएको हो । बसको ठक्करबाट गैडहवा–१ का राम हरिजनकी २ वर्षीया छोरी नारियाले ज्यान गुमाएकी हुन् ।
झारबैराको भित्री सडक मोडहवादेखि टाडीतर्फ गइरहेको बसले बालिकालाई ठक्कर दिएको थियो । बस र चालकलाई प्रहरीले नियन्त्रण्मा लिएको छ भने शवलाई पोष्टमार्टमका लागि भैरहवा पठाइएको प्रहरीले जनाएको छ ।
