बर्दिया । बर्दियामा भ्यानको ठक्करबाट साईकल यात्रीको ज्यान गएको छ ।
जिल्लाको राजापुर नगरपालिका–१० खैरीचन्दनपुरमा नेपालगन्जबाट राजापुर जाँदै गरेको भे१ज १३३७ नम्बरको भ्यानले साइकल यात्रुलाई ठक्कर दिएको थियो ।
दुर्घटनामा मृत्यु हुनेमा मधुवन नगरपालिका–३ का ५४ वर्षीय नोके दमाई रहेको जिल्ला प्रहरी कार्यालयका सूचना अधिकारी एवम् डीएसपी तिलकराम अर्यालले जानकारी दिए ।
दमाईको मृत्यु भएपछि मधुवन–३ ओराली बजारमा तनाव सिर्जना भएको छ । भ्यान र चालकलाई प्रहरीले नियन्त्रणमा लिएको छ ।
