बुटवल । पाल्पामा स्कार्पियो दुर्घटना हुँदा छ जना घाईते भएका छन् ।
बुटवलबाट गुल्मीको दिगामतर्फ जाँदै गरेको बा १६ च ४३७३ नम्बरको स्कार्पियो पाल्पाको तानसेन नगरपालिका- १२ गाईघाट (जोर्ते नजिकै)मा दुर्घटनामा परेको जिल्ला प्रहरी कार्यालय पाल्पाका सुचना अधिकारी डिएसपी विरेन्द्र थापाले जानकारी दिए ।
दुर्घटनाका घाईतेको उद्धार गरी उपचारका लागि लुम्बिनी मेडिकल कलेज प्रवास पठाईएको छ । उनीहरुको अवस्था सामान्य रहेको थापाले बताए । ब्रेक फेल हुँदा स्कार्पियो सडकबाट करिब ५० मिटर तल खसेको छ ।
