तिलोत्तमा । रुपन्देहीको तिलोत्तमा नगरपालिकाले जाजरकोटलाई केन्द्रबिन्दु बनाएर गएको भुकम्पले प्रभावित क्षेत्रमा स्वास्थ्यकर्मीसहितको औषधी र सहायता सामाग्री पठाएको छ।
आज बसेको नगरपालिकाको आकस्मिक बैठकले घाइतेहरुको स्वास्थ्योपचार, उद्धार, तथा राहतका लागि जुट्न आग्रह गर्दै नगरपालिकाबाट समेत आवश्यक सामाग्री र टोली पठाउने निर्णय गरेको नगरपालिकाका प्रमुख प्रशासकीय अधिकृत नारायण अर्यालले जानकारी दिए ।
जनस्वास्थ्य निरिक्षक रामेश्वर ढकालसहितको ५ जना स्वास्थ्यकर्मीको टिम, एम्बुलेन्स, औषधी, पाल, उद्धार सामाग्रीसहित जाजरकोट र रुकुम पश्चिम जिल्लालाई ५/५ लाखका दरले राहत सामाग्रीका लागि रकम उपलब्ध गराउने निर्णय भएको उनले बताए ।
उद्धार टोली नगरप्रमुख रामकृष्ण खाणले प्रयोग गर्ने गाडीमा जाजरकोटतर्फ प्रस्थान गरिसकेको छ ।
