दाङ । दाङमा बसले ठक्कर दिदाँ एक पुरुषको मृत्यु भएको छ । शुक्रबार दिउँसो जन्ती लिन जान लागेको बसले शान्तिनगर गाउँपालिका–५ काशीपुरमा ठक्कर दिदाँ करिब ४५ बर्षीय पुरुषको मृत्यु भएको हो ।
उनको परिचय नखुलेको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्ले जानकारी दिए ।
प्रहरीका अनुसार चरकमटीयाबाट काशीपुरतर्फ जन्ती लिन जान लागेका ना ४ ख ६९४९ नम्बरको बसले पुरुषलाई ठक्कर दिदाँ गम्भीर घाइते भएका उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको हो ।
ठक्कर दिने बस र चालकलाई प्रहरीले नियन्त्रणमा लिएको छ ।
